Riad Rashiti, kandidat i PDK-së për kryetar të Komunës së Gjilanit ka përsëritur zotimet e tij për siç thekson ai, mirëqenien e të gjithëve.
Ai thotë se këto zotime nuk do të mbesin veç premtime, por që i kanë zgjidhjet e mundësitë, e mbi të gjitha vullnetin.
Shkrimi i plotë:
Zotimet tona për mirëqenien e të gjithëve, nuk do të mbesin vetëm premtime. Ne i kemi zgjidhjet e mundësitë, mbi të gjitha e kemi vullnetin! 🌸
♦️Funksionalizimi i ‘Fshatit të Lumtur’.
♦️Subvencionimi i fëmijëve me afësi të kufizuar (nën 18 vjet) 100 euro çdo muaj.
♦️Mbështetje financiare 200 euro çdo muaj për nënat e fëmijëve me aftësi të kufizuar nën 18 vjet.
♦️Krijimi i fondit emergjent për nevojat e paprituara të rasteve nën menaxhim nga QPS.
♦️Sigurimi i pajisjeve shkollore, veshmbathjeve etj, për fëmijët e familjeve përfituese të asistecës.
♦️Subvencionim i familjeve strehuese dhe nënave vetushqyese.
♦️Rritje e fondit për mbështetje me pako ushqimore për përfitues të asistencës sociale.
♦️Subvencionimi i punësimit të personave me aftësi të kufizuar.
♦️Qasja në informacion për personat e shurdhër.
♦️Forcimi i bashkëpunimit qendër për punë sociale-prind-kujdestar-shkollë.
♦️Krijimi i task-forcave profesionale për ndihmë psiko-sociale për fëmijët në konflikt me ligjin, e përdoruesit e substancave psiko-aktive.
♦️Vëmendje e ndihmë institucionale e përhershme për viktimat e trafikimit, krimeve seksuale, dhunës në familje, të moshuarve pa përkujdesje, e kategorive tjera në gjendje të nevojës sociale.
♦️Ndërtimi i shkollës burimore regjionale.