Kryetari i Komunës së Junikut, Ruzhdi Shehu, ka bërë të ditur se është konfirmuar vazhdimi i partneritetit të Komunës me programin CiViTAS, një iniciativë e Komisionit Evropian që synon përmirësimin e jetesës në qytete përmes zgjidhjeve të qëndrueshme dhe inovative.
Ky bashkëpunim do të sjellë përfitime të rëndësishme për Junikun në fusha kyçe si menaxhimi i mbeturinave, transporti i qëndrueshëm, energjia e ripëritshme dhe përmirësimi i cilësisë së jetës së qytetarëve.
“Shehu ka theksuar se bashkëpunimi me partnerët ndërkombëtarë mbetet shtyllë qendrore e vizionit politik të udhëheqjes së Komunës, dhe se puna do të vazhdojë me përkushtim për ruajtjen dhe thellimin e këtyre marrëdhënieve në dobi të të gjithë qytetarëve të Junikut, pa dallim.”