“Gjysma e jetës sime është në këtë aplikacion dhe tani më duhet të paguaj për të”. Ky është një vlerësim që i është bërë “Snapchatit” që ka vendosur çmime për një shërbim që është përdorur falas.
“Snap” njoftoi në shtator se do të fillonte me pagesa nëse përdoruesit kanë shfrytëzuar më shumë se pesë gigabajt me fotografi dhe video që i kanë ruajtur si “Kujtime” (Memories).
Për shumëkënd, postimet retro shërbejnë si dritare për të kaluarën dhe disa përdorues e kanë akuzuar kompaninë për lakmi.
Si alternativë për ata që nuk duan të paguajnë, mund t’i shkarkojnë “kujtimet” e tyre, të cilat zënë dhjetëra gigabajt në pajisjet e tyre.