Zgjedhjet presidenciale në Real Madrid po nxehen dhe, megjithëse është favoriti kryesor për një tjetër fitore, Florentino Perez nuk dëshiron t’i lërë asgjë rastësisë.
Kështu, pak ditë më parë, si pjesë e fushatës së tij, ai njoftoi një transferim spektakolar që planifikon ta zbatojë.
“Të martën do t’i dërgoj një ofertë një klubi të madh për një lojtar të nivelit të lartë. Do të ofroj 150 milionë euro, që do të jetë shuma më e lartë që Real Madridi ka paguar ndonjëherë”, tha Perez, duke u përpjekur të mbetej enigmatik:
“Nuk do ta merrni me mend kurrë se kush është,” tha ai, duke shtuar se “shënjestrat” nuk janë Erling Haaland dhe Michael Olise, as ndonjë futbollist i Premier Ligës.
Megjithatë, sipas mediave spanjolle, identiteti i lojtarit të fshehur është zbuluar.
Gazeta spanjolle Marca citon dy yje të PSG-së, Joao Neves dhe Vitinha, ndërsa gazetarja e respektuar spanjolle Arancha Rodriguez, pohon me bindje se është Neves.
Mesfushori portugez mbërriti në Paris në verën e vitit 2024 nga Benfica në një transferim me vlerë 66 milionë euro.
Me PSG-në, ai fitoi dy Liga të Kampionëve në dy vjet dhe tani konsiderohet si një nga lojtarët më të mirë të rinj në botë.
Në Madrid, ose më saktë nga kampi i presidentit aktual, shpresojnë se ai mund të jetë udhëheqësi i një epoke të re në mesfushën e Realit. Për më tepër, thuhet se Perez është gati të paguajë më shumë se 150 milionë euro dhe do të bëjë gjithçka që është në fuqinë e tij për ta sjellë atë.