Ministri në detyrë i Infrastrukturës dhe Transportit, Dimal Basha ka njoftuar se nga sot hyn në fuqi Udhëzimi Administrativ me të cilin e kanë zgjidhur çështjen e Certifikatën e Kompetencës Profesionale (CKP).
Ai thotë se sot sot zhbllokohet procesi i certifikimit të shoferëve fillestarë.
“Një lajm shumë i mirëpritur për shoferët dhe operatorët e transportit ndërkombëtar të mallrave, nga sot hyn në fuqi Udhëzimi Administrativ me të cilin e kemi zgjidhur çështjen e Certifikatën e Kompetencës Profesionale (CKP).
Pas punës intenzive që kemi bërë, nga sot zhbllokohet procesi i certifikimit të shoferëve fillestarë, dhe me këtë rast do të kërkoj që si Ministri e Infrastrukturës dhe Transportit të ketë angazhim maksimal që të gjithë aplikuesit të pajisen sa më shpejt me certifikatën përkatëse. Ju faleminderit për durimin e besimin”, shkruan ai.