Delegacioni iranian që aktualisht po merr pjesë në bisedime në Zvicër ka paraqitur një protestë pasi Presidenti i SHBA-së Donald Trump kërcënoi negociatorët e saj pak kohë më parë, raportuan mediat shtetërore iraniane.
“Delegacioni iranian i ka paraqitur një protestë palës amerikane dhe tani po shqyrton mundësitë për një përgjigje të përshtatshme ndaj kërcënimeve të fundit verbale të Donald Trump”, shkroi në X Press TV, një kanal mediatik shtetëror në Iran, raporton CNN.
Në një telefonatë me Fox News sot, Trump tha se ShBA-të mund të “marrin kontrollin” e Ngushticës së Hormuzit nëse nuk arrijnë një marrëveshje me Iranin dhe kërcënoi delegacionin iranian që është mbledhur në Zvicër.