Këngëtari dhe kompozitori Noah Kahan, 29 vjeç, ka bërë një kërkesë të pazakontë për fansat që planifikojnë të marrin pjesë në koncertet e turneut të tij, “Great Divide”. Në një postim në rrjetin social X të shtunën, më 27 qershor, ai u shpreh: “Nëse duhet të kryeni nevojat personale gjatë një koncerti, ju lutem, për hir të Zotit, thjesht shkoni në tualet”.
Kahan shtoi se edhe ai vetë ka përjetuar situata të tilla, por theksoi vështirësitë që u shkaktohen punonjësve të stadiumeve. “Unë kam bërë nevojat në pantallona po aq sa çdo 29-vjeçar tjetër, por ju duhet të kuptoni se ka punonjës të sallës që përballen me këtë situatë”, shkroi ai.
Turneu “Great Divide” ka nisur në Orlando në fillim të këtij muaji, ndërsa të premten, më 26 qershor, Kahan performoi në stadiumin Citizens Bank Park në Filadelfia. Pas koncertit, ai ndau një fotografi nga prapaskenat në Instagram Stories, duke shkruar: “Holy s*** Philly”.
Pa dhënë detaje specifike mbi atë që ndodhi gjatë shfaqjes, këngëtari pranoi se pati një incident me veshjen. “Nëse kështu do të jetë turneu, do të më duhet të blej dukshëm më shumë mbathje”, shkroi ai në X të premten.
Përtej këtij incidenti, Kahan është shprehur i emocionuar për performancat në stadiume të mëdha si Fenway në Boston, Wrigley Field dhe Rose Bowl. Ai e konsideron Bostonin si shtëpinë e tij, duke theksuar se atje do të ketë mundësi të takojë familjen, miqtë dhe komunitetin që e ka mbështetur ndër vite.
Këngëtari, i cili ka mbi një dekadë që merret me turne, reflektoi mbi rrugëtimin e tij artistik. Ai kujtoi kohën kur performonte në salla gjysmë të zbrazëta, duke shtuar se sot ndihet mirënjohës që mijëra njerëz mbushin stadiumet për ta dëgjuar.
Burimi: usmagazine.com