Mbrëmë, në një ndeshje dramatike, anglezët fituan 3:2 kundër Meksikës dhe luftuan për t’u kualifikuar në çerekfinalet e Kupës së Botës.
Dhe për intensitetin e ndeshjes tregoi intervista e kapitenit Harry Kane, i cili mezi foli për BBC Sport në përfundim.
Momenti i tij me gazetaren u bë shpejt viral dhe nuk u desh shumë kohë që përdoruesit e rrjeteve sociale t’i vinin epitete të ndryshme pas ndërveprimit të tyre qesharak. Zëri i harxhuar i Kane përmblodhi më së miri atë që kaloi Anglia në stadiumin Azteca.
Kapiteni i Anglisë shënoi penalltinë që në fund rezultoi të ishte goli i fitores për vendin e tij, duke e çuar në shtatë numrin e golave në këtë turne.
“Jordan, më ka ikur zëri! Ishte një ndeshje e çmendur. Na u desh të luftonim. Nuk mund të flas. Ishte një nga ato ditë… mendoj se gjyqtari u përpoq të bënte gjithçka kundër nesh, por në fund nuk pati rëndësi. Jam i lumtur. Mbështetja këtu ishte e jashtëzakonshme. Jam pa fjalë”, i tha ai gazetares, ndërsa ajo qeshi dhe i tha të pushonte.
@bbcsport One of the best post-match interviews you’ll ever see 😂 Rest that voice, Harry! 😅 #FifaWorldCup #HarryKane #England #ThreeLions ♬ original sound – BBC Sport
“Kjo është një nga intervistat më të mira pas ndeshjes që do të shihni ndonjëherë”, bëri shaka BBC Sport në përshkrimin e videos të postuar në rrjetet sociale.
Edhe pse u postua vetëm pak orë më parë, videoja ka më shumë se dy milionë shikime.
Dhe nuk munguan komentet: “E dija që lartësia [në Meksiko Siti, v.j] ishte e madhe, por nuk e dija që kishte helium në lartësi aq të madhe”, “Epo, Harry, e shohim që je pa fjalë”, “Kjo është intervista më e mirë ndonjëherë”, shkruan ata.