Një i ri nga Kosova ka humbur jetën në Suedi.
Ai dyshohet se u qëllua aksidentalisht gjatë një konflikti mes bandave rivale të dielën.
Viktima ishte kalimtar rasti.
Lajmin e ka bërë të ditur familja e viktimës përmes një njoftimi publik, ku thuhet se i riu, Genti, nuk kishte lidhje me ngjarjen, por ishte kalimtar i rastit në momentin kur ndodhi të shtënat.
“Mbrëmë Genti na la tragjikisht nga plumbat e konflikteve të bandave të shumta në Suedi. Duke ecur në lagje, ai u vra aksidentalisht nga qërimi i hesapeve mes bandave rivale”, thuhet në reagimin e familjes.