Botërori për francezët përfundoi të martën pasi Gjelat u mposhtën në gjysmëfinale të Kupës së Botës nga Spanja me rezultat 2:0, edhe pse konsideroheshin favorit para ndeshjes.
Franca e përfundoi ndeshjen praktikisht pa asnjë rast konkret, pasi nga dhjetë gjuajtje vetëm tri prej tyre shkuan në portë, dhe as ato trija nuk i krijuan shumë punë portierit Unai Simon.
Pas ndeshjes, Rayan Cherki, i cili nuk ka luajtur shumë në këtë Kupë Bote, ishte shumë i sinqertë.
“Spanja ishte më e mirë se ne në çdo aspekt. Na mundën si teknikisht ashtu edhe taktikisht. Gjyqtari? Ndoshta nuk ishte në nivelin e duhur, por nuk mund ta fajësojmë për humbjen. Nuk është ai që na bëri të humbisnim në një mënyrë kaq dominuese sonte”.
Më pas, një nga gazetarët e pyeti për shokun e skuadrës Lucas Digne dhe reagimin e tij në dhomën e zhveshjes pasi ia dhuroi një penallti Spanjës në pjesën e parë.
“Çfarë pret të them në këtë pyetje? Që ai qau në dhomën e zhveshjes? Nuk e kuptoj si mund të bësh pyetje të tilla.”
🚨🚨 « TU PENSES QUE JE VAIS TE RÉPONDRE QUOI ? QU’IL PLEURAIT ? »
Rayan Cherki 🇫🇷 AGACÉ par une question d’un journaliste sur Lucas Digne après son penalty concédé 😡
🎥 @brutofficiel pic.twitter.com/4omKhL1Z2C
— BeFootball (@_BeFootball) July 14, 2026
Më në fund, e pyetën nëse donte të hynte në ndeshje më herët, sepse pati mundësinë vetëm gjatë 20 minutave të fundit të ndeshjes.
“Çfarë mendon?”, pyeti shkurt Cherki, pastaj doli nga zona e intervistave dhe shkoi në dhomën e zhveshjes.