Aziz Tafaj, pronari i ndërmarrjes “AgroKosova Holding”, e ka cilësuar spektakël urdhrin policorë për lirimin e hapësirave të ndërmarrjes të enjten.
Tafaj, i cili në një konferencë për media paraditen e së enjtes tha se nuk do t’i lirojë vullnetarisht zyrtar e ndërmarrjes, ka thënë se “spektakli i sotëm nuk i duhet askujt”.
“Është një spektakël i cili nuk ka ka vyjt as neve e as Kosovës”, ka thënë ai, raporton Paparaci.
Pronari i “AgroKosova Holding”, ka thënë sot se nuk do t’ia dorëzojë pronën shtetit pronën e ndërmarrjes, shkruan Paparaci.
Ai e ka konsideruar të kundërligjshëm vendimin e AKP-së.
“Ata kanë kërkuar që ta dorëzojmë vullnetarisht por nuk do ta dorëzojmë s’kemi pse, s’kemi kujt. Nuk kanë pasur të drejtë ta marrin këtë vendim”, u shpreh ai në një paraqitje para mediave të enjten.
Avokati i kompanisë “ Agrokosova Holding”, Ibrahim Maxhuni, paralajmëroi kallëzim penal ndaj AKP-së.