Skuadra e Barcelonës ka fituar derbin ndaj Atletico Madridit, në kuadër të xhiros së 23-të në La Liga, me rezultat 4:2.
Goli i parë erdhi vetëm pas tetë minutave lojë. Yannick Carrasco shënoi për Atletico Madridin, duke ia dhuruar epërsinë fillestare mysafirëve.
Nuk vonoi më shumë se një minutë dhe erdhi kundërpërgjigja e Barcelonës. Jordi Alba shënoi një supergol në minutën e 10-të pas asistimit të Dani Alvesit.
Barcelona shënoi më pas edhe dy gola tjerë, me Gavin dhe Araujon, duke shkuar në pushim mes pjesëve me rezultat 3:1.
Edhe në pjesën e dytë Barcelona ishte më kërkuese për gol. Dani Alves shënoi golin e tij të parë, në këtë sezon, në minutën e 49-të.
Skuadra e Simeones tentoi të rikthehej më pas me golin e Suarez, në minutën e 58-të, i cili shënoi për rezultatin 4:2, por Atletico nuk mundi të bëjë më shumë.
Me këtë fitore, Barcelona ka arritur kuotën e 38-të pikëve, duke e lënë pas pikërisht Atletico Madridin, me 36 sosh.