Mbi 10 milionë euro do të investohen në Galerinë Kombëtare të Arteve në Shqipëri.
Galeria, ka njoftuar se prej fillimit të kësaj jave do të fillojnë punimet, punime të cilat pritet të zgjasin tre vjet.
Hapësira e këtij institucioni kulturor është paraparë të dyfishohet me projektin e rikonstruksionit dhe rehabilitimit.
Në bashkërendim me Muzeun Historik Kombëtar do të zhvillohen ekspozita të përkohshme dhe programe publike, bën të ditur GKA-ja.
Po ashtu, në bashkëpunim me Ministrinë e Kulturës dhe me drejtoritë rajonale arsimore do të zhvillohen aktivitete kreative për edukimin e fëmijëve në institucione arsimore.