Disa qytetarë janë përleshur me thika në afërsi të Gjimnazit “Hajdar Dushi” në Gjakovë.
Ngjarja ka ndodhur rreth orës 11:30.
Zëdhënësi i Policisë për Rajonin e Gjakovës, Nysret Xhurkaj, ka bërë të ditur se nga përleshja janë lënduar dy persona.
“Në ora 11:00 ka ndodhur rasti dhe janë lënduar dy persona. Njëri është transferuar në Spitalin Rajonal “Isa Grezda” dhe tjetri në ambulancën e qytetit për tretman mjekësor dhe Policia me të marrë informatën ka dalë në vendin e ngjarjes”, ka deklaruar Xhurkaj.
Ai shtoi se të dyshuar në këtë rast janë tre persona, ndërsa një është arrestuar.
Xhurkaj tha se lidhur me rastin janë duke u zhvilluar hetimet.