Prokuroria Themelore në Ferizaj ka njoftuar se janë ndaluar për 48 orë sot dy persona të dyshuar për tërheqjen e 95 mijë eurove në bankën BKT në Ferizaj, transmeton Paparaci.
Siç shkruhet në njoftim të ndaluarit janë I.A. ish-Drejtor i Degës se BKT-se në Pejton- Prishtinë dhe Sh.B., punëtor i autotaxit “Bini”- Gjilan, nën dyshimin për veprat penale.
“Sipas Prokurorisë, dyshohet se ish drejtori i BKT-së me inicialet (I.A), i ka mundësuar tërheqjen e parave të dyshuarit tjetër me inicialet (Sh.B), nga llogaria bankare e një qytetari, ku me ç’rast është bërë tërheqja e shumës në vlerë prej 95 mijë eurove në degën e Bankës Kombëtare Tregtare BKT-së në Ferizaj”, njofton Prokuroria.
Të ndaluarit dyshohen për veprat penale “Keqpërdorimi i besimit” dhe “Mashtrimi”./Paparaci.com