Lidhja Demokratike e Kosovës do t’i ketë tetë asamblistë më pak në Kuvendin Komunal të Ferizajt pas konstituimit të legjislaturës së radhës.
Në zgjedhjet e 17 tetorit, LDK-ja ka fituar katër mandate në Asamblenë Komunale të Ferizajt. Tetë mandate më shumë kishte siguruar në zgjedhjet e kaluara komunale, raporton Paparaci.
Rezultatet për Asamble Komunale në zgjedhjet lokale 2017
Ndërkaq, fuqinë brenda Asamblesë Komunale në Ferizaj e ka rritur Lëvizja Vetëvendosje, e cila në zgjedhjet e 17 tetorit ka siguruar nëntë ulëse në kuvend – dy më shumë sesa kishte fituar në zgjedhjet e 2017-s.
Edhe Partia Demokratike e Kosovës është rritur brenda Asamblesë Komunale në Ferizaj. Nga 13 mandatet aktuale, nga zgjedhjet e fundit PDK-ja ka shkuar në 17 mandate.
Rezultatet për Asamble Komunale në zgjedhjet lokale 2021
PDK-ja ka fituar pa balotazh në raundin e parë të garës për kryetar të Komunës së Ferizajt. Agim Aliu do ta udhëheqë Ferizajn së paku edhe për katër vjet. /Paparaci.com