Përfaqësuesja e Kosovës në hendboll ka pësuar humbje në fazën e parë të eliminatorëve për Kampionatit Botëror të vitit 2023.
Kosova u mund nga Turqia me rezultat 25:23, ndeshje kjo e zhvilluar në Eskishehir, pikërisht në të njëjtin vend ku Përfaqsuesja e Kosovës kishte zhvilluar ndeshjet e para në vitin 2001.
Më i dalluari te Turqia ishte Gorkem Biçer me shtatë gola të shënuar, ndërsa te Kosova, Egzon Gjuka me gjashtë gola, Deniz Terziqi me 5 e Kastriot Jupa me 4 gola.
Ndeshjen e radhës, Kosova e luan të dielën në Prishtinë kundër Përfaqësueses së Belgjikës.