Ambasadori i Gjermanisë, Jorn Rohde, e ka dënuar sulmin mbi Policinë e Kosovës të martën në veri.
Ai ka thënë se Gjermania mbështet autoritetet e zbatimit të ligjit të Kosovës.
“E dënojmë sulmin e pestë të neveritshëm mbi Policinë e Kosovës në vetëm pak javë. Mbështetje të plotë për autoritetet e zbatimit të ligjit të Kosovës për t’i sjellë autorët para drejtësisë”, ka shkruar Rohde në Twitter.
Një njësi patrulluese e Policisë së Kosovës u sulmua me armë zjarri mëngjesin e së martës në veri. Nuk pati të lënduar nga sulmi.
Zëdhënësi i PK-së, Baki Kelani, ka thënë në emisionin “60 Minuta” se situata është stabile por pas sulmeve mund të përkeqësohet.
We condemn this fifth despicable attack on the KP in just a few weeks. Full support to Kosovo’s law enforcement authorities to bring the perpetrators to justice https://t.co/XcnInvCxnR
— German Embassy Pristina (@GermanAmbKOS) April 26, 2022