Fituesi i “Big Brother Vip”, Ilir Shaqiri do të martohet këtë fundjavë.
Burime të Vip Magazine bëjnë me dije se ai dhe partnerja e tij do i drejtohen altarit këtë të shtunë.
Sipas burimeve mësohet se çifti ka zgjedhur një ceremoni në një restorant pranë bregdetit në Durrës.
Ndërkohë mësohet se pjesë e gëzimit të tyre do të jenë më shumë se 100 të ftuar.
Pak muaj më parë Iliri deklaroi se nuk kishte zhvilluar dasmë, por vetëm një ceremoni martesore në bashki në Itali dhe një darkë private me 14 persona.
Duket se balerini i njohur ka zgjedhur ta çojë deri në fund adetin për të pasur një kujtim të bukur me aktoren italiane Emanuela, me të cilën ka edhe një vajzë, Emily.
