Lumir Abdixhiku, kreu i LDK-së e ka quajtur arritje historike zgjedhjen e Dritan Abazoviqit në krye të qeverisë malazeze.
Ai në Facebook ka shkruar se ardhja e Abazoviqit në krye të Malit të Zi është rikonfirmim i stabilitetit rajonal.
“Zgjedhja e Dritan Abazović si Kryeministër i ri i Malit të Zi, përveç se arritje historike për shqiptarët në rajon, është dhe rikonfirmim i stabilitetit rajonal e orientimit properëndimor të vendit tonë fqinj”, shkruan ai.
Abdixhiku ka shkruar se ka telefonuar Abazoviqin dhe i ka uruar zgjedhjen në këtë pozitë të rëndësishme.
“Në emër timin dhe të Lidhjes Demokratike të Kosovës, në komunikim telefonik pak çaste më parë, Dritanit i kam uruar zgjedhjen në këtë pozitë të rëndësishme për të e vet Malin e Zi. Uroj që vizioni i tij, dhe i joni bashkarisht, të sjellë progres të përbashkët rajonal e avancim të interesve të dy shteteve në familjen euroatlantike”, përfundon postimi i tij.