Ndeshja mes Gjilanit e Dritës e zhvilluar në kuadër të xhiros së 33-të në Superligën e Kosovës është mbyllur pa gola.
Kësaj radhe Derbi i Anamoravës nuk e kishte bukurinë e tij pasi që është zhvilluar pa praninë e tifozëve: “Intelektualët” dhe “Skifterat”, për shkak se skuadra e Gjilanit ishte dënuar nga FFK me tre ndeshje pa shikues.
Përkundër se të dyja skuadrat krijuan disa mundësi të mira shënimi, asnjëra nga arriti të gjente golin.
Pas 33 xhirove edhe matematikisht skuadra e Ballkanit është shpallur Kampione e Kosovës, ndërsa Gjilani pozicionohet në vendin e dytë me 59 pikë, kurse Drita në të tretin me 58.