Aktori i famshëm Dwayne Johnson ka marrë një vendim të rëndësishëm sa i përket përdorimit të armëve në shesh xhirim, ai ka thënë se kompania e tij filmike, “Seven Bucks Productions” nuk do të përdorë më armë të vërteta në xhirime, e gjitha kjo për shkak se para disa ditësh mbeti e vrarë Halyna Hutchins nga Alec Baldwin gjatë xhirimeve të filmit “Rust”.
“Para së gjithash isha zemërthyer. Ne humbëm një jetë. Zemra ime është me familjen e saj dhe të gjithë në xhirime. Unë gjithashtu e njoh Alecin për një kohë të gjatë. Nuk mund të flas për askënd tjetër, por mund t’ju them se në çdo film që ne kemi ecur përpara me Seven Bucks Productions, nuk do të përdorim fare armë të vërteta”, u shpreh Johnson.
Aktori shtoi se brenda disa orësh nga lajmi për të shtënat fatale të Hutchins, ai dhe ekipi i kompanisë folën për ndryshimet që do të miratonin në xhirime për sigurinë.
“Unë mendoj se gjëja më e kujdesshme dhe më e zgjuar që duhet bërë është thjesht të ndaloni për një sekondë dhe të rishqyrtoni se si do të ecni përpara dhe si do të punojmë së bashku,” tha ai.