Vendimi i Rusisë për të pushtuar Ukrainën “tregoi se ata janë gati të sulmojnë një vend fqinj të pavarur”, tha presidenti finlandez Sauli Niinistö për CNN teksa shpjegonte vendimin e Finlandës për të aplikuar për anëtarësim në NATO, një aleancë ushtarake e udhëhequr nga SHBA.
Ndërsa informoi Rusinë për vendimin e Finlandës për të aplikuar për anëtarësim në NATO, Niinistö tha se ishte i befasuar me reagimin e qetë të Presidentit Vladimir Putin.
“Në fakt, befasia ishte se ai e mori atë kaq qetë”, tha ai për CNN.
“Deri më tani, duket se nuk ka probleme të menjëhershme”, shtoi ai.
Niinistö tha gjithashtu se ishte “i habitur” nga komentet e presidentit turk Recep Tayyip Erdoğan, por “nuk është i shqetësuar” për deklaratat e Turqisë për anëtarësimin e Finlandës në NATO.
“Unë besoj se do të ketë ende shumë diskutime dhe nuk jam aq i shqetësuar për këtë,” tha ai për CNN./abcnews.al/