Sot në një tubim, kryeministri i Kosovës, Albin Kurti deklaroi se Qeveria e tij për dallim nga qeverisja paraprake, pati një sukses të jashtëzakonshëm në menaxhimin e pandemisë, duke përmendur më konkretisht çështjen e vaksinave.
Sipas tij, Kosova është në vendin e parë në Ballkanin perëndimor sa i përket rezultatit menaxhimit të mirë.
“Me 23 mars, ministri i Shëndetësisë hynë në zyrë 0 vaksina, 0 kontrata për vaksina, 0 negociata për kontrata dhe fillon prej zeros. Thoshin pse po merr veç donacion vaksina, pse s’po bleni. Sepse ne ishim duke negociuar me PFIZER-in çmimin më të lirë, për sasinë më të madhe. Ata ishin mësu me ble, ju vijke keq kur po na jepshin fal. Se, këqyre… për qeveritë e tjera kjo me ta dhanë falë e ka një të keqe, sepse s’un vjedh. E sot, kemi arrit mi administru 1.6 milionë vaksina, për popullsinë mbi 16 vjecare, 55% me dy doza, 64% së paku 1 dozë”, ka deklaruar Kurti, gjatë këtij tubimi të mbajtur në Kaçanik.