Presidenti kroat Zoran Milanoviq dëshiron që vendi i tij të ndjekë shembullin e Turqisë duke u përpjekur të bllokojë Suedinë dhe Finlandën nga anëtarësimi në NATO, raporton Sky News, transmeton Paparaci.
Milanoviq është në një mosmarrëveshje të ashpër verbale me kryeministrin kroat Andrej Plenkoviq për një sërë çështjesh, duke përfshirë nëse do të mbështesin aplikimet e NATO-s që Suedia dhe Finlanda paraqitën sot.
Përpara se parlamenti i Kroacisë të ratifikojë anëtarësimin në NATO për dy vendet nordike, Milanoviq dëshiron një ndryshim në ligjin zgjedhor të Bosnjës fqinje që do ta bënte më të lehtë për kroatët e Bosnjës të zgjedhin përfaqësuesit e tyre në poste drejtuese.
Presidenti turk Rexhep Tajip Erdogan përsëriti sot se zgjerimi i NATO-s do të varet nga respektimi i Finlandës dhe Suedisë ndaj ndjeshmërisë turke në lidhje me terrorizmin.