Fitoret ushtarake ruse në pjesë të Ukrainës lindore janë shumë të përkohshme dhe çdo territor që ata kanë pretenduar se kanë marrë kontrollin do t’i kthehen Kievit, ka thënë presidenti i Ukrainës, Volodymyr Zelensky të shtunën.
Presidenti ukrainas i tha televizionit lokal se në vend do të kishte më shumë luftime të përgjakshme.
“Për ta, të gjitha këto fitore – okupimi i Krimesë apo Donbasit – është shumë i përkohshëm. Dhe e gjithë kjo do të kthehet – pasi ky është territori ynë”, shtoi ai.
Deklarata e Zelenskyt vjen pasi Rusia mori kontrollin e fabrikës së çelikut Azovstal, fortifikata e fundit e rezistencës ukrainase në qytetin port të Mariupolit.