Kryeministri britanik Boris Johnson prej kohësh po përballet me drejtësinë për shkak të festave të shfrenuara që organizoi në vitin 2020, teksa e gjitha bota ishte nën izolimin e karantinës për shkak të Covid-19.
Së fundmi mediat britanike kanë publikuar imazhe nga një prej këtyre festave, teksa skandali thellohet për shkak se raportohet që gjatë asaj periudhe janë organizuar mbi 10 evente në shkelje të masave të qeverisë.
Në imazhet e publikuara, Johnson shfaqet duke ngritur një gotë verë përpara një tavoline të mbushur me shishe në prani të dhjetëra personave të tjerë. Po ashtu, nga fotoja mund të dallohet se festa ishte organizuar në zyrën e tij qeverisëse. Johnson u gjobit për organizimin e vetëm 3 festave, teksa këto zbulime pritet që të lëkundin pozicionin e tij në krye të kabinetit qeverisës.
