Sokrat Lela, nga Mbrostari i Fierit, punonjës i FNSH është një nga viktimat e aksidentit të rëndë të ndodhur këtë mbrëmje në aksin Leva Tepelenë.
Viktima tjetër dyshohet se është bashkëshoqëruesja e tij Fatbardha Lela. Të dy kanë qenë në mjetin Ford Fiesta bashkë me një person tjetër.
Ngjarja ka ndodhur rreth orës 20:20, ku dy automjete tip “Opel Zafira” dhe “Ford” janë përplasur me njëri-tjetrin.
Siç shihet nga pamjet e Abc makinat janë të copëtuara, ndërsa njëra ka përfunduar në kanal.
Disa ambulanca kanë shkuar me urgjencë drejt vendngjarjes ku janë transportuar 4 të plagosurit e tjerë drejt spitalit. /abcnews.al