Ambasadori i Shteteve të Bashkuara të Amerikës në Kosovë, Jeffrey Hovenier është shprehur i lumtur pasi sot takoi Sherife Lutën dhe familjen e saj në Ditën e Çlirimit të Kosovës.
Ai tha se 23 vjet më parë, Sherife Luta u bë fytyra e një lufte brutale, pasi ajo dhe fëmija i saj u larguan nga Kosova.
“Sot ata janë të sigurt dhe të shëndetshëm”, shkroi Hovenier.
Sherife Luta u bë personifikimi i vuajtjeve të refugjatëve kosovarë të cilët ishin detyruar që dhunshëm ta lëshojnë atdheun e tyre nga forcat serbe.
Atë sot e takuan edhe kryeministri Kurti dhe presidentja Osmani.