Nol Nushi, sekretari organizativ i PSD-së, tha një numër i madh i protestuesve që kanë qenë sot para Kuvendit të Kosovës i kanë keq punët financiarisht.
Ai shtoi se halli i tyre ishte mungesa e të hyrave minimale për jetesë.
“Më besoni që ka qenë numër i madh i protestuesve edhe një numër i madh i protestuesve që i kanë punët keq financiarisht. Nuk janë ata protestues milionera, nuk e kishin hallin kush është kryeministër. Ata e kishin hallin se po u mungojnë të hyrat minimale për jetesë”, tha ai në RTV Dukagjini.
Tutje ai ka shpjeguar lidhjen mes ligjit për Pagën Minimale dhe pensionin e veteranit.
“Lidhja e Ligjit të Pagës Minimale me pagën e veteranit e ka pasë logjikën që veterani përderisa nuk punon duhet me pasë një pagë minimale për jetesë që për gjatë viteve ka qenë 170. Këta tash e bënë 250 euro për shkak që janë rritë çmimet kanë ndërru kohërat. Por, edhe veterani hanë bukë, edhe veterani i qet kerrit benzin, edhe ai blen vaj edhe atij ju ka shtrenjtuar jeta”, shtoi ai.
“Tash çka po thotë Qeveria këtu; kadal se këtu s’bon me ju rritë krejtve se do jonë fallc”, theksoi Nushi.