Pavarësisht se ka të mbetura edhe tre vite të tjera në kontratën e tij, e ardhmja e Neymarit te Paris Saint-Germain duket të jetë e paqartë.
Pas fjalëve të fundit të presidentit të PSG-së, Nasser Al Khelaifi, e ardhmja e yllit brazilian duket të jetë në rrezik, pasi ai refuzoi të tregoj publikisht se a do të jetë Neymar pjesë e projektit të së ardhmes, apo jo.
“Neymar pjesë e projektit të ri apo jo? Ne nuk mund të flasim për këtë gjë në publik sepse disa lojtarë të tjerë do të arrijnë, e disa të tjerë do të largohen nga klubi. Këto janë bisedime private”, tha Khelaifi për “Marca”.
Neymar ka kontratë aktuale me Paris Saint-Germain deri më 30 qershor të vitit 2025, me opsionin për ta rinovuar kontratën edhe për një vit tjetër.