Të martën në Prishtinë u mbajt tryezë diskutimi, mes përfaqësuesve institucionalë dhe anëtarëve të shoqërisë civile për raportin e Bashkimit Evropian për Kosovën.
Në takimin e organizuar nga Instituti EPIK në bashkëpunim me Komisionin për Integrim Evropian dhe me mbështetje të GIZ-it, këtu dolën në pah mendimet e kundërta të përfaqësuesve të Brukselit e atyre të Prishtinës.
Për shefin e Zyrës së Bashkimit Evropian, Tomas Szunyog raporti i BE-së është vlerësim i drejtë për gjitha shtetet, njofton Klan Kosova.
Por, njëjtë nuk mendon zëvendëskryeministri, Besnik Bislimi, i cili tha se raporti i BE-së ka pasaktësi.