Ministria e Shëndetësisë ka njoftuar për trendin e rritjes së numrit të rasteve me Covid-19, gjatë ditëve të fundit.
Sipas MSh’së, si pasojë e regjistrimit të numrit të lartë të rasteve të reja, janë rritur edhe rastet aktive. Nga 110 sa ishin më 20 qershor, tash numri ka arritur në 1 mijë e 244.
Kjo ka reflektuar edhe me shtrime të reja të pacientëve në spital të prekur nga COVID-19. Aktualisht në spitalet e Kosovës po trajtohen 25 pacientë me Covid-19.
Ministria ka përsëritur apelin për vaksinim kundër Covid-19.
“Rrjedhimisht, kjo ka reflektuar edhe me shtrime të reja të pacientëve në spital të prekur nga COVID-19. Aktualisht, 25 pacientë të infektuar po trajtohen në spitalet e Kosovës nga COVID-19.
Ministria e Shëndetësisë u bën thirrje qytetarëve që të vaksinohen me dozën e radhës të vaksinës kundër COVID-19, për të parandaluar infeksione të reja, forma të rënda të sëmundjes nga COVID-19 dhe vdekjet”, thuhet në njoftim.
