Kanë kaluar më shumë sesa katër muaj prej kur kryeministri Albin Kurti nuk ka dhënë një intervistë në gjuhën shqipe në mediet e vendit.
Kurti, që ka zgjedhur të flasë vetëm për mediat e huaja e që së fundmi dha një intervistë për televizionin publik britanik “BBC”, do të shfaqet në intervistën e parë pas katër muajsh në një televizion vendor.
Intervista me shefin e qeverisë është planifikuar të shfaqet me fillim nga ora 19:30, raporton Paparaci.
I pari i ekzekutivit, shfaqet në këtë bashkë-bisedim me moderatorin Leart Hoxha në prag të zgjedhjeve lokale që mbahen të dielën.
Mungesa e intervistave dhe ballafaqimit me gazetarë kritikë ndaj qeverisë së tij, e kanë vënë Kurtin përball kritikave që prej themelimit të Qeverisë Kurti II, e cila i dha atij pushtet absolut mbi ekzekutivin e vendit. /Paparaci.com