Gazetari dhe drejtuesi i mediumit “Paparaci”, Vehbi Kajtazi ka kritikuar konsullin e shkarkuar të Kosovës, Lulzim Krasniqin, për insistimin e tij në vendosjen e stemës së UÇK-së në Konsullatën e Kosovës në Nju Jork.
Kajtazi ka deklaruar se ndonëse stema e UÇK-së konsiderohet e çmueshme, ambasadat dhe konsullatat nuk janë shtëpi private.
“Kallxoni dikush ish-konsullit ne New York se sado i shenjtë e i çmueshëm që është flamuri me stemën UÇK, nuk është simbol zyrtar i Republikës së Kosovës”, tha Kajtazi. “Ambasadat dhe Konsullatat s’janë shtëpi private, por institucione të Republikës në të cilat vendosen simbolet sipas protokolit”.
Kallxoni dikush ish-konsullit ne New York se sado i shenjte e i çmueshem qe eshte flamuri me stemen UÇK, nuk eshte simbol zyrtar i Republikes se Kosoves. Ambasadat dhe Konsullatat 'sjane shtepi private, por insitucione te Republikes ne te cilat vendosen simbolet sipas protokolit.
— Vehbi Kajtazi (@vehbikajtazi) July 6, 2022
Ministrja e Jashtme dhe Diasporës, Donika Gërvalla ka shkarkuar nga detyra konsullin Lulzim Krasniqi.
Krasniqi ka thënë se vendimi i Gërvallës është kundërligjor dhe i paprecedent përgjatë funksionimit të deritashëm të Shërbimit të Jashtëm.
Sipas tij, Gërvalla kishte urdhëruar largimin flamurit të UÇK-së nga Konsullata.