Sonte me fillim nga ora 20:00 stadiumi “Fadil Vokrri” do të jetë nikoqir i ndeshjes mes skuadrës së Gjilanit dhe asaj të Liepajas.
Ndeshje e sotme është e vlefshme për raundin e parë kualifikues drejt Ligës së Konferencës, përcjell KosovaPress.
Skuadra gjilanase do të kërkojë sot me çdo kusht fitoren kundër letonezëve, në mënyrë që ta ketë më të lehtë të sigurojë kualifikimin tutje në ndeshjen e kthimit që do të zhvillohet në Letoni.
Ndërkaq, tani të dy trajnerët kanë bërë të ditur se me cilët lojtarë do ta fillojnë këtë ndeshje, dhe formacionet zyrtare i gjeni më poshtë.
