Forcat e sigurisë hodhën gaz lotsjellës derisa protestuesit sudanezë marshuan në kryeqytetin Khartoum të dielën kundër udhëheqjes ushtarake të vendit, duke e konsideruar atë përgjegjës për një shpërthim dhune në shtetin e Nilit Blu.
Më shumë se 30 njerëz u vranë dhe 100 u plagosën në përleshjet fisnore që filluan javën e kaluar midis fiseve Hausa dhe Fung në shtetin juglindor, afër kufirit me Etiopinë, sipas zyrtarëve sudanezë dhe Kombeve të Bashkuara.
Autoritetet thanë të dielën se do të përforcojnë praninë e sigurisë në shtet dhe do të hetojnë përleshjet. Në dy qytete është shpallur shtetrrethimi, shkruan Reuters.
Protestuesit në kryeqytet mbanin pankarta ku shkruhej “Stop Luftës Civile”, “Nil Blu po gjakos” dhe “Anulo Marrëveshjen e Paqes Juba”, ndërsa marshuan drejt pallatit presidencial.
Ka pasur shpërthime sporadike të dhunës në disa pjesë të Sudanit, duke përfshirë rajonet bregdetare lindore dhe Darfurin perëndimor, pavarësisht nga një marrëveshje paqeje mbarëkombëtare e nënshkruar nga disa grupe rebele në Juba në vitin 2020.