Ligjvënësit në parlamentin ukrainas kanë votuar për shkarkimin e prokurorit të përgjithshëm të vendit dhe kreut të shërbimit të fuqishëm të sigurisë SBU të vendit, disa ditë pasi ata u pezulluan për gjoja dështimin për të çrrënjosur bashkëpunëtorët rusë në zyrat e tyre.
Siç raporton CNN presidenti ukrainas Volodymyr Zelensky kishte paraqitur rezoluta në parlament për shkarkimin e tyre.
Ish-prokurores së Përgjithshme, Iryna Venediktova dhe ish-kreut të SBU, Ivan Bakanov, i ishte thënë që “të pastrojnë këto dy departamente nga bashkëpunëtorët dhe tradhtarët e shtetit”, tha për televizionin ukrainas nënkryetari i Zyrës së Presidentit të Ukrainës, Andrii Smyrnov të hënën.
“Megjithatë, në muajin e gjashtë të luftës, ne vazhdojmë t’i gjejmë … këta njerëz, në secilin prej këtyre departamenteve,” tha Smyrnov.
Më herët të martën, Zelensky shkarkoi disa zyrtarë të tjerë të rangut të lartë nga SBU.
Në mesin e të shkarkuarve ishte edhe nënkryetari i SBU, Volodymyr Horbenko.
Zelensky gjithashtu shkarkoi krerët e zyrave rajonale në Dnipropetrovsk, Poltava, Sumy, Zakarpattia dhe Zhytomyr.