Qeveria e Kosovës është mbledhur sot në takimin e 89-të në të cilin do të shqyrtojë 22 propozim vendime. Në mesin e pikave për shqyrtim janë ndryshimi i Projektligjit për Ministrinë e Mbrojtjes, si dhe emërimi i Bordit të Drejtorëve në Ujësjellësin Rajonal “KRU Gjakova”.
Qeveria e Kosovës ka emëruar anëtarët e Bordit të Kompanisë Rajonale të Ujësjellësit, “KRU Gjakova”.
Vendimi është miratuar me unanimitet në mbledhjen e sotme të qeverisë, raporton Paparaci.
Urim Gashi është emëruar kryesues i Bordit të “KRU Gjakova”.
“Urim Gashi kryesues, dhe anëtarë: Arjaneta Nura, Vildane Maloku dhe Jeton Haxhijaha”, tha kryeministri Kurti.
[10:57] – Qeveria miraton ndryshimin e Ligjit për Ministrinë e Mbrojtjes
Qeveria e Kosovës ka miratuar propozim-vendimin për ndryshimin dhe plotësimin e Ligjit për Ministrinë e Mbrojtjes.
Me vendim unanim në mbledhjen e sotme të qeverisë, kabineti qeveritar miratoi ndryshimet në Ligjin për Ministrinë e Mbrojtjes, raporton Paparaci.
Pas miratimit në qeveri, projektligji i është proceduar Kuvendit të Kosovës.
Qeveria, po ashtu ka miratuar ndryshimin dhe plotësimin e Ligjit për Forcën e Sigurisë së Kosovës, Ligjin për Shërbim në Forcën e Sigurisë së Kosovës, si dhe ka miratuar ndryshimin e rregullores për Fushat Administrative të Zyrës së Kryeministrit dhe Ministrive.