Futbollistja me origjinë shqiptare, Kosovare Asllani ka shpërthyer me kritika për sistemin VAR-it të përdorur në Kampionatin Evropian për femra.
Asllani u ankua para ndeshjes përball Anglisë duke kritikuar numrin e kamerave të vendosura në kampionatet për femra krahasuar me ato për meshkuj.
“Të përdorësh 50 për qind më pak kamera në turneun tonë sesa në garën e meshkujve, kjo është një katastrofë me të vërtetë. Vendimet nuk mund të merren me të njëjtën saktësi. Nuk është vetëm për ne, por edhe për ekipet e tjera. Ka situata ku mendoj se duhet të keni më shumë kamera, që mund të jenë vërtet vendimtare”, deklaroi Asllani.
Gjatë Euro 2022, Suedisë i janë anuluar në total pesë gola në katër ndeshjet e fundit, ku në shumicën prej tyre kishe polemika të mëdha për mënyrën e anulimit.
Suedia do të luajë kundër Anglisë në Bramall Lane këtë mbrëmje për një vend në finalen e Euro 2022.