Goli i Laurit Krasniqit ishte vendimtar dje në ndeshjen Drita-Antwerp, të cilën Drita e humbi me rezultat 0:2.
Drita u eliminua nga garat evropiane, ndërsa skuadra belge kaloi tutje falë golit të Krasniqit.
Futbollisti kosovar ka mbetur pa fjalë me golin e shënuar, teksa Antwerp i ka publikuar një video në llogarinë e tyre zyrtare në Twitter.
“Unë vetëm mund të ëndërroja për këtë moment… Nuk kam fjalë për të përshkruar”, ka thënë Krasniqi derisa u përshëndet me familjarët e tij në stadiumin Fadil Vokrri dhe po shkonte drejt zhveshtoreve.
21-vjeçari ka debutuar këtë vit me ekipin e parë të Antwerpit, derisa shihet si një mbrojtës me të ardhme të ndritur.