Liverpool duket se nuk e ka nisur mbarë edicionin e ri. Thiago Alcantara u lëndua në ndeshjen hapëse të “The Reds”, ku skuadra e udhëhequr nga tekniku gjerman, Jurgen Klopp u ndal me barazim.
Reprezentuesi spanjoll pritet të jetë larg fushës për rreth gjashtë javë, raporton Mundo Deportivo.
Thiago do të humbasë ndeshjet me Manchester United, Crystal Palace, Bournemouth, Newcastle United, Everton dhe Wolverhampton Wanderers.
Përpos spanjollit, Klopp ka edhe mungesa tjera të futbollistëve. Naby Keita, Curtis Jones, Ibrahima Konate, Diogo Jota dhe Chamberlain janë disa prej futbollistëve në të cilët tekniku gjerman nuk mund të shpresojë për një kohë.