Shtëpia evropiane e futbollit, UEFA në bashkëpunim me policinë e Helsinkit kanë ngritur alarmin e sigurisë para zhvillimit të finales së Superkupës së Evropës.
Real Madridi dhe Eintracht Frankfurt do të përballen sot në Helsinki të Finlandës për trofeun e Superkupës së Evropës.
UEFA ka vendosur të marrë masa që gjithqka të shkojë sipas planit, për shkak se pritet një numër i madh i tifozëve të Frankfurtit.
Të paktën 8 mijë tifozë gjermanë priten të jenë në stadium dhe pas trazirave të shkaktuara prej tyre në Sevilje në finalen e Ligë së Europës janë ngritur shqetësime për tjera trazira të mundshme në përballjen e sotme në kryeqytetin e Finlandës.
Përballja mes Realit dhe Frankfurtit do të zhvillohet sot me fillim nga ora 21:00.