Finlanda do të ulë numrin e vizave të lëshuara për rusët nga 1 shtatori, tha në një deklaratë Ministria e Jashtme Finlandeze.
Kalimet kufitare tokësore finlandeze kanë mbetur ndër pikat e pakta të hyrjes në Evropë për rusët, pasi një varg vendesh perëndimore mbyllën hapësirën e tyre ajrore për avionët rusë në përgjigje të sulmit të Rusisë ndaj Ukrainës.
Qeveria finlandeze ra dakord të martën të zvogëlojë numrin e tyre, pasi turistët rusë filluan të përdorin aeroportin Helsinki-Vantaa të Finlandës si një portë për në destinacionet evropiane të pushimeve pas heqjes së kufizimeve kufitare të lidhura me pandeminë nga Rusia një muaj më parë.