Manchester United është duke kërkuar me ngulm transferimin e mesfushorit të Real Madridit, Casemiro.
Drejtuesit e klubit anglez i kanë ofruar dyfishin e pagës mesfushorit brazilian në rast se transferohet në “Old Trafford”.
Ai pritet të bëhet njëri prej futbollistëve më të shtrenjtë te “Djajtë e kuq”, duke fituar rreth 350 mijë funte në javë.
Vetëm sulmuesi, Cristiano Ronaldo dhe portieri David de Gea përfitojnë më shumë se ai.
United ka dorëzuar ofertën e parë te Realin për transferimin e 30-vjeçarit, me shumën prej 60 milionë funtave.
Casemiro ka qenë në Real Madrid pothuajse një dekadë pasi u transferua atje nga Sao Paulo në 2013.
Që atëherë ai ka fituar pesë Liga të Kampionëve, tre La Liga dhe tre Kupa të Botës për Klube.