Skuadra rumune, CS Mioveni ka zyrtarizuar të premten transferimin e futbollistit shqiptar, Blerim Krasniqi.
Krasniqi kishte shkëputur mbrëmë kontratën me klubin e Gjilanit, ndërsa sot është zyrtarizuar te klubi i ri.
Sulmuesi 26-vjeçar tashmë i është bashkuar skuadrës së drejtuar nga Alexandru Pelici.
Krasniqi sezonin e fundit ishte pjesë e Gjilanit, teksa ka shënuar dy gola në garat evropiane.
Në total, ai ka 169 paraqitje në garat e brendshme të Shqipërisë dhe Kosovës, në të cilat ka shënuar 33 gola dhe ka dhënë 18 asistime.