Biletat për ndeshjen mes Ballkani dhe Shkupit në kuadër të “play-offit” të UEFA Conference League, janë shitur të gjitha.
Ballkani kishte filluar shitjen para disa ditëve në Suharekë, ndërsa sot kishte filluar shitja edhe në Prishtinë.
Brenda pak ore të gjitha biletat në dispozicion për ndeshjen e së enjtes janë shitur, raporton “Sinjali”.
Ballkani synon të shkruajë historinë të enjten, ku me një fitore apo barazim do të arrinte në fazën e grupeve të Ligës së Konferencës, diçka që asnjë klub kosovar nuk ka arritur të bëjë në ndonjë garë evropiane.