Kryetari i Bashkësisë Islame të Kosovës myftiu Naim Tërnava, ka inspektuar këtë të enjte punimet në Xhaminë Qendrore në Prishtinë.
BIK-u përmes një komunikate për media bën të ditur se ai ka parë nga afër fazën aktuale ku po zhvillohen punimet me një intensitet të shtuar.
Myftiu Tërnava është shprehur i kënaqur me punën që po zhvillohet për ngritjen e kësaj xhamie për nevojat e besimtarëve.
“Siç po shihet edhe nga pamjet, tashmë xhamia ka filluar të marrë vetën, pra është betonuar një pjesë e saj. Pritet që deri në fund të muajit të vihet edhe pllaka e parë dhe punët do të vazhdojnë edhe më me intensitet”, ka thënë ai.