Ish-presidenti i Shteteve të Bashkuara, Donald Trump, në një fjalim të fushatës e ngriti në qiell liderin kinez, Xi Jinping.
Duke folur para mbështetësve për të promovuar dy kandidatë republikanë në Wilkes-Barre, në verilindje të Pensilvanisë, Trumpi lavdëroi Xinë për qeverisjen e Kinës me “grusht të hekurt”.
“Ai sundon me një grusht të hekurt 1.5 miliardë njerëz. Po, do të thosha se është i zgjuar”, tha Trumpi, duke shkaktuar të qeshura nga audienca.
Trumpi u tha përkrahësve se e quajti Xinë “mbret” gjatë një vizite shtetërore ndërsa ish-presidenti i SHBA-së ishte në krye të Shtëpisë së Bardhë. “Xi tha: ‘Por unë nuk jam mbret’. Unë i thashë: ‘Ti je për mua, je president i përjetshëm’”, tha Trumpi.