Kryetari i Nisma-s Socialdemokrate, Fatmir Limaj, në tubimin e fitores së kësaj partie në Malishevë, ka thënë se kjo komunë u çobn mesazh atyre, siç i quajti Limaj “llaskucë”.
Sipas tij ata nuk kanë vend në Malishevë.
“Ju të gjithë keni treguar çka do të thotë ndershmëria, besa, rivaliteti e mirënjohja. Ju sonte keni treguar se Malisheva di të rreshtohet e bashkohet për t’i dhënë një fitore të fuqishme qytetarëve të vet”.
“Malisheva u çon mesazh “llaskucave” se ata nuk kanë vend në Malishevë”, është shprehur Limaj, njofton Klankosova.tv.
Kujtojmë se në Malishevë, garën e balotazhit e fitoi Ekrem Kastari i NISMA-s, i cili fitoi 53.19% apo 10 mijë e 394 vota.
Ndërsa, kundër-kandidati i tij nga PDK, Isni Kilaj, fitoi 46.81% apo 9 mijë e 147 vota.